#Deputatlik_nazorati #Kotibiyat_hududlarda #haftalik_ish_reja_ijrosi #24_ta_tavsiyaviy_savol

KUZ-QISH MAVSUMIGA TAYYORGARLIK — DEPUTATLIK NAZORATIDA

🏢 Xalq deputatlari Uchtepa tumani Kengashi deputati J.Ismanovning saylov okrugida kuz-qish mavsumini betalafot o‘tkazish, aholi xonadonlarini tabiiy gaz bilan barqaror ta’minlash hamda mavjud gaz infratuzilmasining mavsumga tayyorgarlik holatini o‘rganish yuzasidan amaliy o‘rganish ishlari olib borildi.

📌 Jurjoniy mahallasi hududida joylashgan gaz taqsimlash punktlari (GTP) ko‘zdan kechirilib, ularning texnik va sanitariya holati, xavfsizlik talablari, mavjud uskunalarning sozligi hamda kuz-qish mavsumida uzluksiz va barqaror ishlashga tayyorgarligi o‘rganildi.

🔎 O‘rganish davomida gaz taqsimlash punktlarining atrofini obodonlashtirish, xavfsizlik choralariga rioya etish, aniqlangan kamchiliklarni bartaraf etish va mavsum davomida yuzaga kelishi mumkin bo‘lgan muammolarning oldini olish masalalariga alohida e’tibor qaratildi.

👥 Ushbu o'rganishda xalq deputatlari Uchtepa tumani Kengashi kotibiyati bosh mutaxassisi Umidbek Abilov, shuningdek, Kengash Ekspert guruhi a’zolari ishtirok etib, hududdagi mavjud holatni joyiga chiqqan holda o‘rgandilar.

📌 Mazkur o‘rganishlar davomida aniqlangan masalalar yuzasidan mas’ul tashkilotlar bilan hamkorlikda tegishli choralar ko‘rish, kamchiliklarni bartaraf etish hamda aholi uchun qulay va xavfsiz sharoitlarni ta’minlash bo‘yicha takliflar ishlab chiqiladi.

🤝 Asosiy maqsad — kuz-qish mavsumini barqaror va xavfsiz o‘tkazish, aholining murojaatlarini joyida o‘rganish hamda ularning qonuniy manfaatlarini himoya qilishdir.