KUZ-QISH MAVSUMIGA TAYYORGARLIK — DEPUTATLAR NAZORATIDA

📍 Olmazor tumanida ta’lim muassasalarining kuz-qish mavsumiga tayyorgarligi deputatlar nazorati ostida.

🇺🇿 Yurtimizda inson manfaatlarini ta’minlash, aholi uchun munosib va qulay shart-sharoitlar yaratish borasidagi islohotlarning amaliy ifodasi sifatida ijtimoiy soha obyektlarining kuz-qish mavsumiga puxta tayyorgarligi muhim vazifalardan biri hisoblanadi.

⚡️Shu maqsadda Xalq deputatlari Olmazor tumani Kengashi deputati Ibaydullo Mamajanov hamda Kengash kotibiyati bosh mutaxassisi B. Xoliqjonova tomonidan “Beruniy” MFY hududida joylashgan 249-sonli umumta’lim maktabida kuz-qish mavsumiga tayyorgarlik holati joyiga chiqqan holda o‘rganildi.

🔹 O‘rganish davomida maktabning elektr ta’minoti, tabiiy gaz bosimi, isitish tizimlari hamda mavsumni barqaror o‘tkazish uchun zarur shart-sharoitlar ko‘zdan kechirildi.

🔹 Aniqlangan masalalar yuzasidan mas’ullarga tegishli tavsiya va ko‘rsatmalar berilib, mavjud kamchiliklarni o‘z vaqtida bartaraf etish hamda mavsumga tayyorgarlik ishlarini sifatli yakunlash zarurligi ta’kidlandi.

🗣 Deputat o‘quvchilarning xavfsizligi, salomatligi va ta’lim olishi uchun qulay sharoit yaratish masalasini alohida nazoratga olganini qayd etdi.

🇺🇿 Zero, Prezidentimiz tomonidan ilgari surilayotgan “Inson qadri — har narsadan ustun” degan ezgu tamoyilning mazmun-mohiyati ham har bir fuqaro, ayniqsa, yosh avlod uchun munosib sharoit yaratish, ularning huquq va manfaatlarini ishonchli himoya qilishda namoyon bo‘ladi.

📌 Kuz-qish mavsumiga tayyorgarlik ishlari deputatlik nazorati doirasida izchil va doimiy ravishda monitoring qilib boriladi.

🎥 Jarayonlar ommaviy axborot vositalarida ham keng yoritib borilmoqda.

👇 Bizni ijtimoiy tarmoqlarda kuzatib boring!