Xalq deputatlari G‘ozg‘on shahar Kengashi Kotibiyat mudiri F. Hojiyev «Hududiy elektr tarmoqlari» AJ Navoiy hududiy filiali G‘ozg‘on shahar elektr ta’minoti korxonasida bo‘lib, Kengash sessiyasida qabul qilingan qarorlar ijrosini o‘rgandi.

O‘rganish davomida korxonadagi hujjatlarning yuritilishi, mavjud asbob-uskunalar va maxsus jihozlarning holati, ularning saqlanishi hamda foydalanishga tayyorligi ko‘zdan kechirildi.

Shuningdek, qarorda belgilangan vazifalarning bajarilishi, mavjud muammolar va ularni bartaraf etish bo‘yicha amalga oshirilayotgan ishlar tahlil qilindi.

Aniqlangan masalalar yuzasidan mas’ullarga tegishli tavsiya va ko‘rsatmalar berilib, Kengash qarorlarida belgilangan vazifalar ijrosini ta’minlash zarurligi ta’kidlandi.