Xalq deputatlari Sardoba tumani Kengashi raisi R.Tashpulatov Paxtakor mahallasida aholini sifatli va uzluksiz oqar suv bilan ta’minlash, mavjud suv yo‘llarining holatini yaxshilash hamda aholi uchun qulay sharoit yaratish maqsadida amalga oshirilayotgan latok tortish ishlari bilan yaqindan tanishdi.

O‘rganish jarayonida amalga oshirilayotgan qurilish-ta’mirlash ishlarining borishi, ularning sifatli bajarilishi, belgilangan talablarga muvofiqligi hamda aholi xonadonlariga suv yetkazib berish samaradorligini oshirish masalalariga alohida e’tibor qaratildi.
Shuningdek, mas’ullarga latok tortish ishlarini belgilangan muddatlarda va sifatli yakunlash, suv oqimining uzluksizligini ta’minlash hamda aholining mavjud muammolarini inobatga olgan holda zarur chora-tadbirlarni amalga oshirish bo‘yicha tegishli ko‘rsatma va tavsiyalar berildi.
Mazkur ishlar Paxtakor mahallasi aholisining turmush sharoitini yaxshilash, ularni suv resurslaridan samarali foydalanish imkoniyati bilan ta’minlash hamda hudud infratuzilmasini yanada rivojlantirishga xizmat qilishi ta’kidlandi.