Ijtimoiy himoyaga muhtoj fuqarolar holidan xabar olindi

Xalq deputatlari Qo‘shko‘pir tumani Kengashi deputati Nilufar Ibragimova mahalla ijtimoiy xodimi bilan hamkorlikda Davud mahallasida istiqomat qiluvchi ijtimoiy himoyaga muhtoj fuqarolar holidan xabar oldi.

Tashrif davomida Shifokorlar ko‘chasi 18-uyda yashovchi Masharipova Soliyajon, Zakovat ko‘chasi 23-uyda yashovchi Karimova Shoira hamda Xalq so‘zi ko‘chasi 72-uyda yashovchi Ro‘zmetov Qadamboylarning yashash sharoiti, kundalik ehtiyojlari va mavjud muammolari o‘rganildi.

Fuqarolar bilan suhbat davomida ularni qiynayotgan masalalar tinglanib, ijtimoiy himoya va amaliy ko‘mak ko‘rsatish bo‘yicha tegishli chora-tadbirlar belgilandi.

Aholining muammolarini xonadonbay o‘rganish, ijtimoiy himoyaga muhtoj fuqarolarni qo‘llab-quvvatlash va ularning manfaatlarini himoya qilish deputatlik faoliyatining ustuvor yo‘nalishlaridan biridir.