🏛 Xalq deputatlari Shovot tumani Kengashining 24-Gulshan saylov okrugi deputati Masharipov Izzat Masharipovich, viloyat Kengashining 36-Monoq saylov okrugi deputati Ishchanov Alibek Raximberganovich hamda Kengash Kotibiyati bosh mutaxassisi U. Ro‘zmetov tomonidan Gulshan mahallasida o‘rganish ishlari olib borildi.
📚 O‘rganish davomida O‘zbekiston Respublikasining “Fuqarolarning o‘zini o‘zi boshqarish organlari to‘g‘risida”gi Qonuni (O‘RQ-350-son) talablari ijrosi, mahalla fuqarolar yig‘inining faoliyati, fuqarolar bilan ishlash tizimi hamda o‘zini o‘zi boshqarish organlariga yuklatilgan vazifalarning bajarilishi ko‘rib chiqildi.
🔎 Shuningdek, mahallada aholi murojaatlari bilan ishlash, fuqarolarning huquq va manfaatlarini ta’minlash, mavjud muammolarni aniqlash hamda ularni hal etish borasida amalga oshirilayotgan ishlar o‘rganildi.
🤝 O‘rganish yakunlari bo‘yicha aniqlangan masalalar yuzasidan tegishli tavsiyalar berilib, mahalla fuqarolar yig‘ini bilan hamkorlikni yanada kuchaytirish, aholi murojaatlarini o‘z vaqtida ko‘rib chiqish va ularning qonuniy yechimini ta’minlash bo‘yicha zarur choralarni ko‘rish belgilandi.