📢 DEPUTAT SO‘ROVI: Chorva salomatligi va oziq-ovqat xavfsizligi e’tiborda

Xalq deputatlari Shahrisabz tumani Kengashi raisi Arslon Uzakov tomonidan tuman veterinariya va chorvachilikni rivojlantirish bo‘limi boshlig‘iga rasmiy deputatlik so‘rovi yuborildi.

So‘rovdan ko‘zlangan maqsad:

2025-yilning kuz oylarida tumanimiz hududidagi yirik va mayda shoxli qoramollar o‘rtasida:

Yuqumli va yuqumsiz kasalliklarning oldini olish;

Chorva mollarining sog‘ligini mustahkamlash;

Chorvachilik xo‘jaliklari barqaror faoliyatini ta’minlash bo‘yicha amalga oshirilgan profilaktik tadbirlar to‘g‘risida aniq ma’lumot olish.

⚖️ Qonun talabi:

“Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 8-moddasiga asosan, mazkur so‘rovga 10 kun muddatda javob qaytarilishi shart.

Eslatib o‘tamiz: Deputat so‘rovini ko‘rib chiqmasdan qoldirish yoki noto‘g‘ri ma’lumot taqdim etish Ma’muriy javobgarlik to‘g‘risidagi kodeksning 193-moddasiga binoan javobgarlikka sabab bo‘ladi.