Boyovut tumani Farhod mahallasida joylashgan 46-maktabda O‘zbekiston Respublikasi Konstitutsiyasining 34 yilligiga bag‘ishlangan ma’rifiy kecha bo‘lib o‘tdi. Tadbirda tuman Kengashi deputati Akrom Bo‘tayev, maktab direktori, o‘qituvchilar, ota-onalar hamda o‘quvchi-yoshlar ishtirok etishdi.

Tashkil etilgan kecha davomida Konstitutsiyaning ahamiyati, undagi asosiy prinsiplar, inson huquq va erkinliklarini ta’minlashga qaratilgan normalar haqida keng tushunchalar berildi. O‘quvchilar tomonidan sahna ko‘rinishlari, she’rlar va ijodiy chiqishlar namoyish qilinib, davlatimiz asosiy qonuniga bo‘lgan hurmat va sadoqat tarannum etildi.

Tadbir ishtirokchilari mamlakatimizda amalga oshirilayotgan konstitutsiyaviy islohotlar, ularning hayotimizga ta’siri va yoshlar uchun yaratilayotgan imkoniyatlar borasida fikr almashdilar.

Mazkur ma’rifiy uchrashuv o‘quvchilarda huquqiy savodxonlikni oshirish, Vatan va qonunga hurmat tuyg‘usini mustahkamlashga xizmat qildi.