Депутат назорати: Уйчи тумани 21-мактабда янги ўқув биноси қурилиши ўрганилди.

Уйчи тумани Чўртук маҳалласида жойлашган 21-мактаб 1964 йилда ташкил топган бўлиб, йиллар давомида кенгайиб, 1978 ва 2014 йилларда қўшимча бинолар билан тўлдирилган. 2005 йилда эса инвестиция дастури асосида таъмирланган. Бугунги кунда 835 ўринга мўлжалланган мактабда 1543 нафар ўқувчи икки навбатда таҳсил олаётгани таълимга бўлган эҳтиёж қанчалик юқори эканини кўрсатади. Халқ депутатлари Уйчи туман Кенгаши депутати М.Абдуллаев томонидан Ўзбекистон Республикаси Олий Мажлиси Сенати Кенгашининг 2025 йил 14 январдаги КҚ-35-V-сонли қарори ижросини таъминлаш мақсадида жойларда амалга оширилаётган қурилиш ишлари ўрганилди. Жумладан, тумандаги 21-сонли умумтаълим мактабида барпо этилаётган янги ўқув биносининг қурилиш жараёни кўздан кечирилди. Ўрганиш давомида объектдаги ишлар сифати, қурилиш суръати ҳамда белгиланган муддатларга амал қилинишига алоҳида эътибор қаратилди. Депутат томонидан масъулларга қурилиш ишларини сифатли ва ўз вақтида якунлаш, замонавий талабларга жавоб берадиган таълим шароитларини яратиш юзасидан тегишли тавсия ва кўрсатмалар берилди.

DEPUTAT NAZORATI: SES TIZIMIDA IJRO INTIZOMI VA ISH SAMARADORLIGI O‘RGANILDI

Xalq deputatlari Uychi tuman Kengashi kotibiyati mudiri N.Dedaxanova, O‘zbekiston Xalq demokratik partiyasi tuman Kengashi raisi G‘.Jo‘rayevlar Sanitariya-epidemiologik osoyishtalik va jamoat salomatligi bo‘limi boshlig‘i o‘rinbosari N.Isomiddinovning faoliyati bilan yaqindan tanishdi. Tashrif davomida deputat boshlig‘i o‘rinbosari tomonidan muvofiqlashtiriladigan yo‘nalishlar, xususan, epidemiologik nazoratni tashkil etish, sohaga oid dasturlarning ijrosi hamda xodimlarning ish samaradorligini tahlil qildi. N.Isomiddinov amalga oshirilayotgan profilaktik tadbirlar, hududdagi sanitariya holatini yaxshilash bo‘yicha ko‘rilayotgan choralar yuzasidan axborot berdi. Muloqot davomida sohadagi mavjud imkoniyatlardan oqilona foydalanish va aholi murojaatlari bilan ishlash tizimini yanada takomillashtirish bo‘yicha takliflar muhokama qilindi.

DEPUTATLIK NAZORATI: 50-SONLI DMTTDA TA’LIM SIFATI VA SHAROITLAR KO‘ZDAN KECHIRILDI.

Xalq deputatlari tuman Kengashi kotibiyat mudiri N.Dedaxanova 2-Obod saylov okurgi hududida joylashgan 50-sonli davlat maktabgacha ta’lim tashkilotida bo‘lib, muassasa faoliyatini yaqindan o‘rgandi. Deputat o‘rganish davomida asosiy e’tiborni bolajonlar uchun yaratilgan sharoitlarning davlat standartlariga mosligi, mashg‘ulotlarning "Ilk qadam" davlat dasturi asosida tashkil etilishi, tarbiyalanuvchilar uchun berilayotgan bilim va ko‘nikmalar darajasi va muassasa hududining muhofaza qilinishi, kuzatuv kameralarining ishlashi va yong‘in xavfsizligi qoidalariga rioya etilishiga qaratdi. Deputat 50-DMTT rahbariyati va pedagog xodimlari bilan suhbatlashib, ularni qiynayotgan muammolar va muassasani yanada rivojlantirish bo‘yicha takliflarini tingladi. Shuningdek, guruhlarda bolajonlar bilan suhbatlashib, ularning mashg‘ulotlarga bo‘lgan qiziqishlari bilan tanishdi. "Maktabgacha ta’lim — uzluksiz ta’limning eng muhim bo‘g‘inidir. 50-sonli DMTTda tarbiyalanayotgan har bir bola sifatli ta’lim va sog‘lom muhitda kamol topishi bizning doimiy nazoratimizda bo‘ladi," — dedi deputat.

Депутатлик сўрови ижроси назоратда

Халқ депутатлари Уйчи туман Кенгаши котибият мудири Н. Дедаханова томонидан Янгичек МФЙнинг Узумзор кўчасида яшовчи фуқаролар мурожаати асосида юборилган депутатлик сўрови ижроси юзасидан ўрганиш ишлари олиб борилди. Ўрганиш жараёнида мазкур мурожаат бўйича Янгичек МФЙ Узумзор кўчасидаги ички йўлларни таъмирлаш ишлари амалга оширилаётгани жойига чиққан ҳолда назорат қилинди. Фуқаролар мурожаатларига ўз вақтида ечим топиш, ҳудудлардаги муаммоларни бартараф этиш ва олиб борилаётган ишлар устидан самарали назоратни таъминлаш доимий эътибор марказида бўлиб қолмоқда.

📌 Ҳуррият маҳалласи фаолияти ўрганилди

Халқ депутатлари Уйчи туман Кенгаши котибият мутахассислари Х. Холмирзаев ҳамда Б. Жўраев томонидан Ҳуррият маҳалла фуқаролар йиғини ходимлари фаолияти юзасидан ўрганиш ишлари олиб борилди. Ўрганиш давомида маҳалла тизимида аҳолига кўрсатилаётган хизматлар сифати, мурожаатлар билан ишлаш ҳолати ҳамда ҳужжатларни юритиш тартиби атрофлича таҳлил қилинди. Хусусан, ҳоким ёрдамчиси ва хотин-қизлар фаоли томонидан фуқароларга кўрсатилаётган хизматлар бўйича юритилаётган ҳужжатлар белгиланган тартиб асосида кўриб чиқилди. Шу билан бирга, маҳалла ҳудудида ижтимоий-иқтисодий масалаларни ҳал этиш, аҳоли бандлигини таъминлаш, хотин-қизлар ва ёшлар билан ишлаш, шунингдек, фуқаролар мурожаатларини ўз вақтида кўриб чиқиш юзасидан амалга оширилаётган ишлар ҳолати ҳам ўрганилди. Мазкур ўрганиш ишлари маҳалла тизимида хизмат кўрсатиш самарадорлигини янада ошириш, аҳоли билан ишлаш сифатини яхшилаш ҳамда ҳужжатлар юритилишидаги тартиб-интизомни мустаҳкамлашга қаратилган.

МАКТАБ ОЛДИДА ЗАМОНАВИЙ СВЕТОФОР ЎРНАТИЛДИ

Уйчи туманидаги 35-сонли мактаб Наманган–Уйчи йўли бўйида жойлашган бўлиб, мазкур ҳудудда транспорт воситалари ҳаракати жуда серқатнов ҳисобланади. Ушбу жойда светофор мавжуд бўлган бўлса-да, у талаб даражасида хизмат кўрсатмаётган эди. Мазкур масалага амалий ечим сифатида туман йўллардан фойдаланиш давлат муассасаси раҳбари, туман Кенгаши депутати Д. Жўраев ташаббуси билан замонавий светофор ўрнатилди. Янги ўрнатилган светофор орқали ўқувчилар, ота-оналар ҳамда барча йўл ҳаракати қатнашчилари учун хавфсизлик даражаси янада оширилди. Энди мактаб ҳудуди атрофида ҳаракатланиш анча қулай, эркин ва хавфсиз шароитда амалга оширилмоқда. Фуқаролар, айниқса ёш авлод хавфсизлигини таъминлашга қаратилган бундай амалий ишлар доимий эътибор марказида бўлиб қолмоқда.

DEPUTAT VA PROFILAKTIKA INSPEKTORI MULOQOTI: MAHALLADA XAVFSIZ MUHIT – BOSH MEZON

Xalq deputatlari tuman Kengashi kotibiyati mudiri N.Dedaxanova mahallalarda jamoat tartibini saqlash va huquqbuzarliklarning oldini olish borasida amalga oshirilayotgan ishlar bilan tanishish maqsadida Istiqlol mahalla fuqarolar yig‘ini profilaktika inspektori Sh.Mamatxo‘jayev bilan ishchi uchrashuv o‘tkazdi. Suhbat davomida hududdagi tinchlik-osoyishtalikni ta’minlashga oid mahallada jinoyatchilik va huquqbuzarliklar dinamikasi, ayniqsa, firibgarlik va kiberjinoyatlarning oldini olish bo‘yicha ko‘rilayotgan choralar, notinch oilalar, ilgari sudlangan shaxslar va profilaktik hisobda turuvchi fuqarolar bilan olib borilayotgan yakka tartibdagi tarbiyaviy ishlar, hududdagi ko‘p qavatli uylar va jamoat joylariga o‘rnatilgan kuzatuv kameralarining ishchi holati hamda tungi patrul xizmatining samaradorligi, va yoshlar o‘rtasida huquqiy madaniyatni yuksaltirish va ularning bo‘sh vaqtlarini mazmunli tashkil etish orqali salbiy illatlardan yiroq tutish dolzarb masalalar muhokama qilindi: Uchrashuv yakunida mahallada tinchlikni mustahkamlash bo‘yicha "Deputat — mahalla yettiligi — profilaktika inspektori" zanjiri asosida hamkorlikni kuchaytirishga kelishib olindi.

ДЕПУТАТ НАЗОРАТИ

Халқ депутатлари Уйчи туман Кенгаши котибияти мудири Н. Дедаханова томонидан "Овчибулоқ" маҳалласида хотин-қизлар фаоли томонидан амалга оширилаётган ишлар самарадорлиги ўрганилди. Ўрганиш жараёнида маҳаллада хотин-қизларни ижтимоий қўллаб-қувватлаш, уларни бандлигини таъминлаш, тадбиркорликка жалб этиш, шунингдек, маънавий-маърифий ишлар самарадорлигига алоҳида эътибор қаратилди. Шунингдек, хотин-қизлар муаммоларини аниқлаш, уларни ҳал этиш бўйича амалга оширилаётган ишлар таҳлил қилиниб, мавжуд камчиликларни бартараф этиш юзасидан тегишли тавсиялар берилди. Ўрганиш якунлари бўйича келгусида амалга ошириладиган устувор вазифалар белгилаб олинди.

DOIMIY KOMISSIYALARINING KENGAYTIRILGAN YIG‘ILISHI O‘TKAZILDI

Bugun Xalq deputatlari tuman Kengashining mahalliy budjet, tadbirkorlikni rivojlantirish va iqtisodiy islohotlar, korrupsiyaga qarshi kurashish va xavfsizlik, ijtimoiy soha, yoshlar siyosati, madaniyat va sport, reglament va deputatlik odob-axloqi masalalari bo‘yicha doimiy komissiyalari hamda ekspert guruhi a’zolari ishtirokida qo‘shma majlis o‘tkazildi. Yig‘ilishda hududni ijtimoiy-iqtisodiy rivojlantirish dasturlarining ijrosi, budjet mablag‘larining sarflanishi va aholini qiynayotgan dolzarb muammolar atroflicha muhokama qilindi. Unda dastlab O‘zbekiston Respublikasi Vazirlar Mahkamasining 2024-yil 11-oktabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qaroriga asosan Uychi tumanidagi ichki yo‘llarni saqlash va joriy ta’mirlash ishlari bo‘yicha 2026-yil uchun dastlabki manzilli ro‘yxatini tasdiqlash to‘g‘risida, O‘zbekiston Respublikasi Prezidentining 2024-yil 5-yanvardagi “Quyi bo‘g‘inda suv resurslarini boshqarish tizimini takomillashtirish hamda suv resurslaridan foydalanish samaradorligini oshirish chora-tadbirlari to‘g‘risida”gi PQ-5-son qarori ijrosi haqida, O‘zbekiston Respublikasi Prezidentining 2023-yil 31-maydagi PF-81-sonli Farmonining 11-bandida belgilangan vazifalar ijrosini ta’minlash maqsadida tuman bo‘limi tomonidan ishlab chiqilgan Uychi tumanining ekologik atrof-muhitni muhofaza qilish va iqlim “master-reja”sini tasdiqlash haqida, Uychi tumani Ekologiya, atrof-muhitni muhofaza qilish va iqlim o‘zgarishi bo‘limi boshlig‘i Sh.Oripovning 2026-yil I choragi davomida amalga oshirgan ishlari yuzasidan hisoboti to‘g‘risida, Uychi tumanida ijtimoiy reyestrdagi 1-guruh nogironligi bo‘lgan va mehnatga layoqatli a’zosi bo‘lmagan oilalar xonadonlari ta’mirlash orqali energiya samaradorligini oshirish ijtimoiy loyihasini moliyalashtirish ro‘yhatini ma’qullash to‘g‘risida, O‘zbekiston Respublikasining “Chiqindilar to‘g‘risida”gi 362-II-sonli qonuni ijrosi yuzasidan tuman “Toza hudud” DM rahbari O.Mamasayitovning hisoboti to‘g‘risidagi masalalar muhokama qlindi. Yig‘ilish ochiq va bahs-munozaralarga boy ruhda o‘tdi. Deputatlar ayrim sohalardagi oqsoqliklarni qayd etib, mas’ul rahbarlarga nisbatan qat’iy deputatlik nazoratini o‘rnatish zarurligini ta’kidladilar. “Bizning vazifamiz — faqatgina hisobotlarni qabul qilish emas, balki har bir raqam ortida xalqimizning manfaati turganini nazorat qilishdir,” — deya xulosa qildi yig‘ilish ishtirokchilari. Qo‘shma yig‘ilish yakunida kun tartibidagi barcha masalalar bo‘yicha tegishli qarorlar qabul qilindi.

Депутат назорати: Гулбоғ МФЙда ички йўллар таъмирланди.

Халқ депутатлари туман Кенгаши котибияти мудири Н. Дедаханова ҳамда депутат Д. Жўраев аҳоли мурожаатлари асосида Гулбоғ маҳалла фуқаролар йиғинидаги Гулобод кўчасининг ички йўлларида олиб борилаётган таъмирлаш ишларини назорат тартибида кўздан кечирдилар. Мазкур ҳудудда амалга оширилган таъмирлаш ишлари натижасида аҳоли учун ҳаракатланиш шароитлари сезиларли даражада яхшиланиб, пиёдалар ҳамда транспорт воситалари учун қулай ва хавфсиз муҳит яратилди. Депутатлик назорати доирасида ҳудудлардаги инфратузилма масалалари, жумладан, ички йўлларни таъмирлаш, аҳолига қулайликлар яратиш ҳамда ободонлаштириш ишларига алоҳида эътибор қаратилмоқда. ✅ Аҳоли манфаати йўлидаги амалий ишлар изчил давом этмоқда.

Жаңалықлар

Кеңеслер