Xalq Deputatlari Parkent tuman Kengashiga 24-Tolbuloq saylov okrugidan saylangan deputat Uboydullayeva Yulduz Abrorjonovna tashabbusi bilan joriy yilning 16-aprel kuni Krasnogorsk oilaviy polikinikasida davra suhbati oʼtkazildi. Tadbirda Oʼzbekiston Xalq demokratik partiyasi Parkent tuman kengashi raisi R. Gʼofurova, bosh shifokor A. Nurov, bosh hamshira va hamshiralar qatnashishdi. Davra suxbatida bosh shifokor hamda hamshiralar tomonidan aytilgan muammo va takliflar eshitildi. Deputat Y. Uboydullayeva tomonidan yaqin vaqt ichida aholi salomatligini mustahkamlash yuzasidan mutaxassis vrachlar ishtirokida "Salomatlik aksiyasi" oʼtkazish taklifi berildi.