Mirobod tuman hokimligida kengaytirilgan yig‘ilish bo‘lib o‘tdi. Majlisda Xalq deputatlari Mirobod tuman Kengashi deputatlari, tuman prokurori B. Abdullayev, tuman IIO FMB boshlig‘i O. Xadjayev, tuman hokimining birinchi o‘rinbosari A. Salaydinov, tuman bandlik bo‘limi rahbari I. Yunusov, tumandagi 39 ta mahalla raislari hamda hokim yordamchilari ishtirok etdilar. 

Yig‘ilishda davlat rahbari tomonidan ilgari surilgan muhim davlat dasturlari ijrosi muhokama qilindi. Xususan, quyidagi ikki masala atroflicha ko‘rib chiqildi:  

Mahallalarda xavfsiz muhit yaratish va huquqbuzarliklarning oldini
olish bo‘yicha ishlar; 

Aholi o‘rtasida huquqiy madaniyatni oshirish, jamoatchilik bilan
hamkorlikdagi profilaktika va targ‘ibot tadbirlarini yanada kuchaytirish
zarurligi ta’kidlandi. Tahlillar natijasida aniqlangan kamchiliklarni bartaraf
etish yuzasidan mutasaddi rahbarlarga tegishli ko‘rsatma va topshiriqlar
berildi. 

Energiya samaradorligini oshirish va resurslardan oqilona foydalanish: 

Shuningdek, Prezidentning 2025-yil 1 apreldagi PQ-133-son Qarori ijrosi bo‘yicha yoqilg‘i-energiya resurslaridan samarali foydalanish, noqonuniy sarflanishning oldini olish, quyosh panellarini joriy qilish va energiya tejamkor texnologiyalarni keng tatbiq etish masalalari muhokama qilindi. 

Yig‘ilish yakunida mas’ullarga ishlab chiqaruvchi korxonalar va xo‘jalik yurituvchi subyektlarda energiya samaradorligini oshirish yuzasidan aniq vazifalar belgilab berildi.