OʻzLiDeP tashabbusi bilan “Inson hayoti - bebaho ne’mat, u barcha narsadan ustun” tamoyili asosida joriy yilning yanvar – mart oylarida “Ogoh bo‘ling – is gazi” aksiyasini o‘tkazish rejalashtirilgan. Shunga asosan, Respublika bo‘ylab mutasaddi tashkilotlar, partiya faollari, mahalliy deputatlar va homiylar bilan hamkorlikda “Ijtimoiy himoya yagona reyestri”ga kiritilgan fuqarolar xonadonlariga is gazini aniqlaydigan uskunalar beg‘araz o‘rnatib berilmoqda.

“Ogoh bo‘ling – is gazi” aksiyasi doirasidagi tadbirda xalq deputatlari tuman Kengashi deputati E.Hayitov hamda hamkor tashkilot mutaxassislari bilan birgalikda tumandagi O‘zbekiston va Zafar MFYlarda tashkil etilib, targ‘ibot-tashviqot ishlari olib borildi.

Tadbirlar davomida fuqarolar xonadonlariga is gazi chiqqanda ogohlantiruvchi detektorlar o‘rnatish, uskunaning afzalliklari, undan foydalanish qoidalari tushuntirildi.