Qaraqalpaqstan Respublikası Joqarǵı Keńesi 63-Qaraózek okruginen deputat M.Abdirov rayon hákimligi wákilleri menen birgelikte jergilikli Keńes deputatları hám saylaw okrugi aymaǵında jaylasqan mákan puqaralar jıyınları baslıqları, hákim járdemshileri, sonday-aq, aymaq puqaraları menen ushırasıw ótkerdi.

Ushırasıwda saylaw okrugi aymaǵında mámleketlik baǵdarlamalardıń orınlanıwı hám eń áhmiyetli mashqalalardı saplastırıw boyınsha birgelikte ámelge asırılıwı tiyis wazıypalar boyınsha pikir alıstı. Ushırasıw dawamında aymaq turǵınları tárepinen bildirilgen múrájat hám mashqalalar boyınsha is-ilajlar belgilenip, deputat qadaǵalawına alındı.