O'zLiDeP ўз дастурий мақсад ва вазифаларини турли йўналишдаги тадбирлари орқали амалда жорий этмоқда, шундай тарздаги тадбир - ЎзЛиДеП Сиёсий Кенгаши Ижроия қўмитаси ташаббуси билан старт берилган “ЎзЛиДеП ёшлари – маҳаллада!” лойиҳаси доирасида Гулистон шаҳри “Сайқал” МФЙда ЎзЛиДеП Сирдарё вилоят Кенгаши масъул ходимлари, шаҳар Кенгаши аппарат раҳбари Лола Кенжаева ҳамда шаҳар Кенгаши депутатлари Рахматжон Максумов ва Қобилжон Тўраевлар ҳамда маҳалла еттилиги вакиллари иштирокида навбатдаги тарғибот тадбири ташкил этилди. 

Учрашувда маҳалладаги ёшларга ўз тадбиркорлик соҳасидаги тажрибаси ва бизнесларининг сир асрорлари билан йирик тадбиркорлар - Халқ депутатлари шаҳар Кенгаши депутатлари Р.Максумов ва Қ.Тўраевлар ўртоқлашиб, фаол ёшларга шу соҳага қизиқишлари учун мотивация беришди, яъни уларга муваффақиятга эришиш сирлари, ўзининг ҳаёт йўлида эришган натижалари ҳамда тадбиркорликни бошлашган илк кунларидан шу кунгача дуч келган айрим қийинчиликлари тўғрисида гапириб ўтишди. 

Шу билан бир қаторда ёшларни "тадбиркорлик-бу таваккалчилик" ҳамда "тинимсиз меҳнат қилганлар"гина, албатта, ўз мақсадига эришишлари мумкинлигини билдириб ўтишди. Учрашув сўнгида тадбирда фаол иштирок этган ёш йигит-қизларга партия томонидан эсдалик совғалари топширилди.