Қарақалпақстан Республикасы Жоқарғы Кеӊеси ҳәм Халық депутатлары районлық Кеӊеси депутатлары тәрепинен Қараѳзек аўыл пуқаралар жыйынында аймақ халқы менен ушырасыў шөлкемлестирилди.

    Онда Қарақалпақстан Республикасы Жоқарғы Кеӊеси 62-Қараөзек округи депутаты С.Ешанов, Халық депутатлары районлық Кеӊесине аймақтан сайланған депутатлар Қ.Туреев, А.Аймуратова, Өзбекстан Республикасы Президентиниң Қараөзек районындағы Халық қабыллаўханасы ҳәм мәкеме, шөлкемлерден ўәкиллер, районлық Кеӊес секретариаты ҳәмде пуқаралар жыйынынан тийисли қәнигелер, аймақ турғынлары қатнасты. Ушырасыў даўамында депутатлар тәрепинен сайлаў округи аймағында алып барған жумыслары ҳәм жаӊадан қабыл етилген нызам, ҳүкиметлик қарарлар, белгиленген ўазыйпалар ҳаққында мағлыўмат берилди. Сондай-ақ, Өзбекстан Республикасы Президентиниң Қараөзек районындағы Халық қабыллаўханасы ҳәм депутатлар қатнасында пуқаралар мүрәжатлары бойынша қабыллаў өткерилип, аймақ турғынларыныӊ машқала ҳәм усыныслары тыӊланды. Мүрәжатлар тийкарында тийисли мәкеме, уйымлар ўәкиллери қатнасында әмелий шешиў бойынша илажлар белгиленип, орынланыўы бойынша депутатлық қадағалаўға алынды.