🔰Xalq deputatlari Chinoz tumani Kengashi deputati Mirsoat Mirsodiqov tumandagi Alisher Navoiy mahallasida bo‘lib, mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlarning tashkil etilishi holatini o‘rgandi.

♻️O‘rganish jarayonida kam ta’minlangan oilalarga ijtimoiy nafaqalar va moddiy yordamlarni tayinlash hamda to‘lash tartibi, murojaatlarni ko‘rib chiqish mexanizmlari va hujjatlarni rasmiylashtirish jarayonlari o'rganildi.

✅Shuningdek, aholining ijtimoiy himoyaga muhtoj qatlamlari bilan ishlash samaradorligi, ko‘rsatilayotgan xizmatlarning shaffofligi va o‘z vaqtida amalga oshirilishi masalalari muhokama qilindi. Aniqlangan holatlar yuzasidan mas’ullarga tegishli tavsiyalar berilib, ijtimoiy xizmatlar sifatini yanada oshirish bo‘yicha takliflar ilgari surildi.