Hokim yordamchisi faoliyati o‘rganildi

Xalq deputatlari tuman Kengashi deputati Sh.Ergasheva Kelachi mahallasida bo‘lib, hokim yordamchisining faoliyatini o‘rgandi.

O‘rganish davomida mahallada aholi bandligini ta’minlash, tadbirkorlikni rivojlantirish, fuqarolarning daromadlarini oshirish, ishsiz fuqarolarni ish bilan ta’minlash hamda kambag‘allikni qisqartirish borasida amalga oshirilayotgan ishlar tahlil qilindi.

Shuningdek, hokim yordamchisining aholi murojaatlari bilan ishlashi, xonadonbay o‘rganishlar natijasida aniqlangan muammolarni hal etish bo‘yicha olib borayotgan ishlari ham ko‘rib chiqildi.Deputat tomonidan mazkur yo‘nalishdagi ishlar nazoratga olindi.