“Mahalla – islohotlar markazida: mahalliy vakillik organlari va “mahalla yettiligi”ning hamjihat faoliyati” mavzusida davra suhbati bo‘lib o‘tdi

Davra suhbatida mamlakatimizda mahalla institutini yanada rivojlantirish, aholi muammolarini o‘z vaqtida aniqlash va hal etish, joylarda amalga oshirilayotgan islohotlar samaradorligini oshirishda mahalliy Kengashlar hamda “mahalla yettiligi”ning o‘rni va ahamiyati xususida fikr yuritildi.

Bugungi kunda mahalla aholi bilan davlat o‘rtasidagi eng muhim ko‘prik vazifasini bajarib, fuqarolarning ijtimoiy-iqtisodiy muammolarini hal etish, bandlikni ta’minlash, tadbirkorlikni qo‘llab-quvvatlash va ijtimoiy himoyani kuchaytirishda muhim ahamiyat kasb etmoqda.

Davra suhbatida Namangan viloyatidan Xalq deputatlari viloyat, tuman va shahar Kengashlari kotibiyati mudirlari, doimiy komissiyalar raislari va a’zolari, shuningdek, viloyatlardagi “mahalla yettiligi” faoliyatiga daxldor bo‘lgan idora va tashkilotlar vakillari ishtirok etdilar.