“DOLZARB 90 KUN”: O‘QUVCHILAR UCHUN GEOLOGIYA BOG‘IGA SAYOHAT TASHKIL ETILMOQDA

Tumanimizda yoshlarning dunyoqarashini o‘stirish va madaniy dam olishini ta’minlash maqsadida “Dolzarb 90 kun” loyihasi doirasida amaliy tadbirlar davom etmoqda.

Xususan, ayni kunlarda Kitob tumani umumta’lim maktablari o‘quvchilari uchun “Kitob geologiya milliy tabiat bog‘i” hamda u yerdagi noyob muzeyga qiziqarli sayohatlar uyushtirilmoqda.

Loyiha doirasida olib borilayotgan ishlarning borishi va tashkil etilish darajasi tuman Kengashi kotibiyat mudiri G‘.Uzoqov, mutaxassislar J.Ergashev hamda O.Nosirovlar tomonidan joyiga chiqqan holda o‘rganilmoqda.

⛰ Ma’lumot o‘rnida: Mazkur sayohatlar o‘quvchi-yoshlarga ona tabiat va yurtimizning boy geologik tarixi haqida qiziqarli va jonli bilimlarni ulashishga xizmat qiladi.

Bu kabi o‘rganishlar va mazmunli tadbirlar tumandagi barcha ta’lim muassasalarida izchil olib borilmoqda.

#ish #reja #ijrosi
#Dolzarb #90 #kun

KENGASH_FAOLIYATI