📅 2026-yil 25-iyun kuni Xalq deputatlari Shovot tumani Kengashi kotibiyati mudiri I. Masharipov, tuman Kengashi kotibiyati bosh mutaxassisi D. Abdrimova hamda O‘zbekiston XDP Shovot tumani Kengashi raisi O. Akimova tomonidan tuman tibbiyot birlashmasida o‘rganish ishlari amalga oshirildi.
🔹 O‘rganish davomida Qonunning 35-moddasi (Fuqarolarni dori vositalari va tibbiy buyumlar bilan ta’minlash) ijrosi yuzasidan imtiyozli toifadagi fuqarolarni dori vositalari bilan ta’minlash holati ko‘rib chiqildi. Retseptlar asosida dori vositalari berilishi hamda ularning hisobini yuritish tartibiga rioya etilayotgani aniqlandi.
🔹 16-modda (Fuqarolarning tibbiy-ijtimoiy yordam olish huquqi) doirasida nogironligi bo‘lgan shaxslar va ijtimoiy himoyaga muhtoj fuqarolarni zarur dori vositalari hamda tibbiy buyumlar bilan ta’minlash ishlari tahlil qilindi.
🔹 33-modda (Atrofdagilar uchun xavfli bo‘lgan kasalliklarga chalingan fuqarolarga tibbiy-ijtimoiy yordam ko‘rsatish) ijrosi bo‘yicha tegishli toifadagi bemorlarni bepul dori vositalari bilan ta’minlash va ularni doimiy tibbiy kuzatuvga olish holati o‘rganildi.
🔹 Shuningdek, 5-modda hamda 10-modda talablari asosida tibbiyot muassasalarida foydalanilayotgan dori vositalarining sertifikatlanganligi, saqlash sharoitlari va hisobini yuritish holati tahlil qilindi.
✅ O‘rganish yakunlari bo‘yicha dori vositalari bilan ta’minlash borasida amalga oshirilayotgan ishlar ko‘rib chiqildi hamda aniqlangan kamchiliklarni bartaraf etish yuzasidan tegishli tavsiyalar berildi.