Xalıq deputatları Taxtakópir rayonlıq Keńesi baslıǵı A.Reyov, «Taxtakópir» PPJ aymaǵında puqaralar menen ushırasıp, olardıń múrájatları, pikir hám usınısların tıńlaw maqsetinde gezektegi qabıllawın ótkerdi

Qabıllaw dawamında puqaralardan túrli tarawlarǵa baylanıslı mashqalaları menen bir qatarda pikir-usınısları tıńlandı. Múrájatlarda tiykarınan ishki jollardı ońlaw, elektr tarmaqların jańalaw hám basqa da máhálle infrastrukturasın jaqsılawǵa qaratılǵan áhmiyetli máseleler kóterildi.

Sonday-aq, máhállede abadanlastırıw jumısların jedellestiriw, aymaqtı jáne de kórkem hám ıqsham halǵa keltiriw, xalıq ushın qolaylı jasaw ortalıǵın jaratıwǵa qaratılǵan túsindiriw jumısları da alıp barıldı.
Qabıllaw juwmaǵında kelip túsken múrájatlardı belgilengen múddetlerde úyrenip shıǵıp hám olardıń orınlanıwın támiyinlew boyınsha anıq wazıypalar belgilep alındı.