Xalq deputatlari Chinoz tumani Kengashi deputati L.Sobirjonova tomonidan tumandagi Yaxshi niyat mahalla fuqarolar yig‘inida ijtimoiy yo‘nalishdagi ishlar holati o‘rganildi.

O‘rganish davomida mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlarning sifatli tashkil etilishi, kam ta’minlangan oilalarga ijtimoiy nafaqa hamda moddiy yordamni tayinlash va to‘lash jarayonining amaldagi holati tahlil qilindi

Shuningdek, ijtimoiy himoyaga muhtoj fuqarolar bilan ishlash samaradorligi, hujjatlarni rasmiylashtirish tartibiga rioya etilishi hamda aholiga ko‘rsatilayotgan xizmatlar sifati yuzasidan xulosalar chiqarildi. Aniqlangan masalalar bo‘yicha mas’ulga zarur tavsiyalar berilib, ijtimoiy qo‘llab-quvvatlash tizimini yanada takomillashtirish yuzasidan takliflar bildirildi.

Mazkur o‘rganish aholining ijtimoiy ehtiyojlarini o‘z vaqtida aniqlash va manzilli yordam ko‘rsatishni ta’minlashga xizmat qilishi ta’kidlandi.