Yangiariq tumanida Xalq deputatlar kengashini doimiy komissiyalari yig‘ilishi bo‘lib o‘tdi 

Xalq deputatlari Yangiariq tumani Kengashi deputatlar xonasida Mahalliy
byudjet, tadbirkorlikni rivojlantirish va iqtisodiy islohotlar masalalari hamda
Korrupsiyaga qarshi kurashish va xavfsizlik masalalari bo‘yicha doimiy
komissiyalarining navbatdagi yig‘ilishi bo‘lib o‘tdi. 

Yig‘ilishda doimiy komissiya a’zolari, mas’ul tashkilotlar rahbarlari hamda
deputatlar ishtirok etdi. Kun tartibiga muvofiq, tumanda ijtimoiy-iqtisodiy
rivojlanish, byudjet tushumlari, Prezident qarorlari ijrosi hamda energiya
resurslaridan samarali foydalanish masalalari muhokama qilindi. 

Xususan, Yangiariq tumanida 2026-yilga belgilangan suv resurslaridan
foydalanganlik uchun soliq stavkalariga qo‘llaniladigan koeffitsiyentlar hamda
noruda qurilish materiallari (sementdan tashqari) uchun belgilangan qat’iy
stavkalarga qo‘llaniladigan koeffitsiyentlar to‘g‘risidagi masala yuzasidan
axborotlar eshitildi. 

Shuningdek, O‘zbekiston Respublikasi Prezidentining 2024-yil
25-noyabrdagi PQ-405-sonli “Kambag‘allikdan farovonlik sari” dasturini amalga
oshirishga faol nuroniylarni jalb etish chora-tadbirlari to‘g‘risidagi
qarori ijrosi, 2025-yil 3-yanvardagi PQ-1-sonli va 18-martdagi PQ-111-sonli
qarorlar, shuningdek yoqilg‘i-energiya resurslaridan noqonuniy
foydalanish va behuda sarflanishining oldini olish hamda energiya
samaradorligini oshirish bo‘yicha PQ-133-sonli qaror ijrosi yuzasidan
amalga oshirilgan ishlar muhokama qilindi. 

Muhokamalar yakunida aniqlangan muammolarni bartaraf etish, qarorlar
ijrosini kuchaytirish hamda belgilangan vazifalarning o‘z vaqtida bajarilishini
ta’minlash bo‘yicha mas’ullarga aniq topshiriqlar berildi. 

Yig‘ilish yakunlari bo‘yicha tegishli qarorlar qabul qilindi. 

©️ Xalq deputatlari Yangiariq tumani Kengashi kotibiyati