#Kengash_sessiyalariga_oid

Alohida ta’lim ehtiyojlari bo‘lgan o‘quvchilar uchun sharoitlarni yaxshilashga qaratilgan qaror tasdiqlandi

Xalq deputatlari Payariq tumani Kengashining VII chaqiriq, 29-sessiyasida inklyuziv ta’lim sinflari faoliyat yuritayotgan maktablarda o‘quvchilar uchun qulay va to‘siqsiz muhit yaratish masalasi ko‘rib chiqildi.

Tumandagi 29 ta maktabning inklyuziv sinflarida 48 nafar alohida ta’lim ehtiyojlari bo‘lgan o‘quvchi ta’lim olayotgani qayd etilib, ularning ta’lim olishi uchun zarur infratuzilmani yaxshilash bo‘yicha takliflar muhokama qilindi.

Sessiya yakunida “Infratuzilma va ijtimoiy barqarorlik jamg‘armasi”dan 1 milliard 174 million 181 ming 900 so‘m mablag‘ ajratilishini ma’qullash hamda mazkur mablag‘larni belgilangan maqsadlarda yo‘naltirish bo‘yicha Kengashning tegishli qarori tasdiqlandi.

Mazkur qaror bilan inklyuziv ta’lim tashkil etilgan maktablarda “to‘siqsiz muhit”ni yaratish va korreksion-resurs xonalarini jihozlashga qaratilgan ishlarni amalga oshirish belgilandi.

Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|