O‘zbekiston “Adolat” sotsial-demokratik partiyasi Jondor tuman Kengashi deputatlik guruhi hamda tuman IIB YHXB boshlig‘i B.Shodiyev ishtirokida tumanda yo‘l harakati xavfsizligini ta’minlashga qaratilgan targ‘ibot-tashviqot tadbiri o‘tkazildi.
📌Tadbir davomida fuqarolarga yo‘l harakati qoidalariga qat’iy rioya qilish, belgilangan tezlik me’yorlarini buzmaslik, piyodalarga yo‘l berish hamda svetofor va yo‘l belgilarining talablariga amal qilish muhimligi tushuntirildi.
📌Shuningdek, transport vositasini boshqarishda hushyorlikni saqlash, yo‘lda ehtiyotkor bo‘lish, haydovchi va piyodalarning o‘zaro hurmat hamda mas’uliyatini oshirish masalalariga alohida e’tibor qaratildi.
📌Ta’kidlanganidek, yo‘l harakati xavfsizligi faqat mutasaddi tashkilotlarning emas, balki har bir fuqaroning mas’uliyatidir. Qoidalarga amal qilish inson hayoti va salomatligini asrashning eng muhim shartlaridan biridir.
📌Targ‘ibot tadbirlari orqali aholining yo‘l harakati madaniyatini yuksaltirish, yo‘l-transport hodisalarining oldini olish va xavfsiz harakat muhitini shakllantirishga qaratilgan ishlarni izchil davom ettirish belgilandi.