Xalq deputatlari Taxiatosh tumani Kengashi kotibiyati bosh mutaxassisi A.Aymbetov "Ekspert guruhi" a'zosi bilan birgalikda Xalq deputatlari Taxiatosh tumani Kengashiga Oʻzbekiston Xalq demokratik partiyasidan saylangan deputat Utemuratov Jiyengali Jolimbetovichning topshirig‘iga asosan “Do‘stlik” MFY 16-Bahor saylov okrugi hududida amalga oshirilayotgan yo‘llarni asfaltlash ishlari bilan tanishdi.

🚧 O‘rganish davomida asfalt qoplamasini yotqizish jarayoni, bajarilayotgan ishlarning sifati, texnologik talablarga rioya etilishi hamda qurilish ishlarining belgilangan muddatlarda yakunlanishi yuzasidan joyida kuzatuv olib borildi.

🔍 Shuningdek, mutasaddilar bilan yo‘l infratuzilmasini yaxshilash, aholiga qulay va xavfsiz harakatlanish sharoitlarini yaratish masalalari muhokama qilindi.

📄 O‘rganish yakunlari bo‘yicha amalga oshirilayotgan ishlarning holati yuzasidan deputatga tegishli ma’lumotlar kiritilishi hamda deputatlik nazorati doirasida ishlar monitoringi davom ettirilishi belgilandi.