Xalq deputatlari Qo‘qon shahar Kengashi deputati Sh.Rasulova tomonidan "G‘oziyog‘lik" mahalla fuqarolar yig‘inida xotin-qizlar faoli Z.Rahimova ishtirokida O‘zbekiston Respublikasining 2019-yil 2-sentabrdagi O‘RQ–561-sonli "Xotin-qizlarni tazyiq va zo‘ravonlikdan himoya qilish to‘g‘risida"gi Qonuni ijrosi, mazkur yo‘nalishda amalga oshirilayotgan ishlar hamda kelgusidagi ustuvor vazifalar yuzasidan xotin-qizlar bilan ochiq muloqot tashkil etildi.

Uchrashuv davomida deputat Sh.Rasulova tomonidan qonunning mazmun-mohiyati, xotin-qizlarning huquq va manfaatlarini himoya qilishga qaratilgan huquqiy kafolatlar, tazyiq va zo‘ravonlik holatlarining oldini olish bo‘yicha davlat tomonidan yaratilgan imkoniyatlar haqida batafsil tushuntirishlar berildi hamda ishtirokchilarga huquqiy maslahatlar ko‘rsatildi.

Muloqot jarayonida xotin-qizlarning murojaatlari tinglanib, ularning huquqlarini himoya qilish, oilalarda sog‘lom ijtimoiy-ma’naviy muhitni mustahkamlash, nizoli vaziyatlarning oldini olish hamda ehtiyojmand ayollarni qo‘llab-quvvatlash masalalari yuzasidan fikr almashildi.

Shuningdek, fuqarolarning qonunchilikda belgilangan imtiyoz va imkoniyatlardan samarali foydalanishi, murojaatlarni ko‘rib chiqish tartibi, huquqiy yordam olish mexanizmlari hamda ijtimoiy xizmatlar samaradorligini yanada oshirish yuzasidan taklif va mulohazalar bildirildi.

Xalq deputatlari Qo‘qon shahar Kengashi