Keyingi jılları elimizde xalıq hákimiyatshılıǵın júzege shıǵarıw, jergilikli Keńesler hám siyasıy partiyalardıń jumısın jetilistiriw, sonıń ishinde, jergilikli Keńeslerdegi siyasıy partiyalardıń toparlarınıń óz wákilliklerin ámelge asırıwı ushın qosımsha kepillikler jaratıw boyınsha keń kólemli ilajlar ámelge asırılmaqta, olardıń saylawshılar hám deputatlıqqa talaban etip kórsetken siyasıy partiyalar menen baylanısların saqlap turıwı ushın sharayatlar jaratılmaqta. 

Sonıń menen birge jergilikli Keńeslerdegi partiya toparlarınıń óz partiyasınıń baǵdarınan kelip shıqqan halda aymaqlardı rawajlandırıw baǵdarlamaların islep shıǵıw hám qabıl etiwde qatnasıw, jergilikli Keńeslerdiń sessiyalarında aymaqlıq sociallıq-ekonomikalıq rawajlandırıw baǵdarlamaların tastıyıqlawda olardıń joybarlar boyınsha pikirin esapqa alıwdıń huqıqıy kepilliklerin kúsheytiw zárúrligi bar. 

Ózbekstan Respublikası Prezidentiniń PP-98-sanlı Pármanına bola jergilikli Keńeslerdiń nızam dóretiwshiligi procesindegi
qatnası kúsheytilip, Keńeslerde Oliy Majlis Senatında kórip shıǵılatuǵın nızamlar boyınsha aymaq mápinen kelip shıqqan halda usınıslar islep shıǵıw hám Senatqa kirgizip barıw sisteması engiziliwi belgilendi. Álbette, hár bir aymaqtıń sociallıq-ekonomikalıq
rawajlandırıw jumısların partiyadan saylanǵan deputatlarımız jaqsı biledi. Óz aymaqlarında nelerdi rawajlandırıw kerek, usı aymaq xalqı nelerdi rawajlandırıwǵa uqıplı bul máseleler boyınsha hár sherekte siyasıy partiyalar hám deputatlar menen birgelikte, usı máselege juwapker xızmetkerler menen pikirlesiw kerek dep oylayman. Bul bolsa tiyisli taraw xızmetkerleri menen, deputat arasındaǵı tıǵızlıqtı jaqsılaydı.