Xalq deputatlari Parkent tuman Kengashiga 3-“Bog‘bon” saylov okrugidan saylangan deputat To‘layev Eldor Zafaritdin o‘g‘li o‘zi saylangan hududdagi “Qayilma” mahallasida bo‘lib, “Mahalla yettiligi” faoliyati hamda ijtimoiy xizmatlar ko‘rsatish tizimi bilan yaqindan tanishdi.O‘rganish davomida mahallada faoliyat yuritayotgan ijtimoiy xodim D. Sodiqovaning aholining ijtimoiy himoyaga muhtoj qatlamlariga ko‘rsatayotgan xizmatlari, kam ta’minlangan oilalarga nafaqa va moddiy yordam tayinlash hamda ularni qo‘llab-quvvatlash borasidagi ishlari tahlil qilindi. Xususan, yolg‘iz keksalar, nogironligi bo‘lgan shaxslar va ehtiyojmand oilalarga ko‘rsatilayotgan amaliy yordamlar o‘rganildi.O‘rganish jarayonida ijtimoiy xodim tomonidan amalga oshirilgan ishlar doirasida 1 ta xonadonga oziq-ovqat mahsulotlari, 2 ta xonadonga kiyim-kechak yetkazib berilgani, shuningdek, 2 nafar nogironligi bo‘lgan fuqaro kambag‘al oilalar reyestriga kiritilib, ularning davolanishi uchun rozilik xatlari rasmiylashtirilganligi aytib o‘tildi.Bundan tashqari, “Saxovat va ko‘mak” jamg‘armasi mablag‘lari hisobidan 1 nafar fuqaroning jarrohlik amaliyoti uchun zarur mablag‘ ajratilgan. Yana 1 nafar fuqaro davlat ta’minotidagi oilalar ro‘yxatiga kiritilib, uy-joyini ta’mirlash bo‘yicha ehtiyojidan kelib chiqib tegishli
rozilik xati shakllantirilgan. Shuningdek, 3 nafar fuqaroga psixologik xizmat ko‘rsatilgani qayd etildi.Yakunda deputat tomonidan ijtimoiy xizmatlar sifatini yanada oshirish, ehtiyojmand fuqarolarni qo‘llab-quvvatlash ishlarini tizimli davom ettirish yuzasidan tegishli tavsiyalar berildi.