Xalq deputatlari Parkent tumani Kengashi deputati, doimiy komissiya raisi Maxmudova Baxtinisa Zuxriddinovna hamda deputat Ashirmatova Xurshida Soliyevna tomonidan jamoatchilik nazorati doirasida “Istiqbol” MFY hududida joylashgan “Milliy Medical” tibbiyot muassasasi faoliyati o‘rganildi.Nazorat tadbiridan ko‘zlangan asosiy maqsad aholiga ko‘rsatilayotgan tibbiy xizmatlarning o‘z vaqtida, sifatli va amaldagi talablarga muvofiq tashkil etilganini baholashdan iborat bo‘ldi. O‘rganish davomida muassasada ambulator xizmat ko‘rsatish uchun yaratilgan sharoitlar, tibbiy xizmat sifati, sanitariya-gigiyena holati hamda bemorlar uchun
yaratilgan qulayliklar ko‘zdan kechirildi.Shuningdek, tibbiyot muassasasiga murojaat qilgan fuqarolar bilan muloqot o‘tkazilib, ularning xizmatlardan qoniqish darajasi va taklif-mulohazalari tinglandi. Bildirilgan fikrlar asosida aholiga ko‘rsatilayotgan tibbiy yordamning sifati yuzasidan tegishli xulosalar chiqarildi. O‘rganish yakunlariga ko‘ra, “Milliy Medical” tibbiyot muassasasida yaratilgan sharoitlar bugungi kun talablariga mos ekani, zamonaviy tibbiy xizmatlarni tashkil etish uchun zarur imkoniyatlar mavjudligi hamda aholiga sifatli va qulay tibbiy yordam ko‘rsatish yo‘lga qo‘yilgani qayd etildi. Deputatlar tomonidan bu kabi jamoatchilik nazorati tadbirlari kelgusida ham izchil davom ettirilishi ta’kidlandi.