Hokim yordamchisi faoliyati o'rganildi

Xalq deputatlari Qo‘shko‘pir tumani Kengashi deputati Gulsara Ro‘zmetova Xonobod mahallasida faoliyat yuritayotgan hokim yordamchisi X. Rahimovning faoliyati bilan yaqindan tanishdi.
O‘rganish jarayonida hududda aholi bandligini ta’minlash, tadbirkorlikni rivojlantirish, fuqarolarning ijtimoiy-iqtisodiy muammolarini hal etish hamda davlat dasturlari ijrosi yuzasidan amalga oshirilayotgan ishlar tahlil qilindi.
Deputat tomonidan mahallada olib borilayotgan ishlar samaradorligini yanada oshirish, aholi murojaatlari bilan ishlash tizimini takomillashtirish va mavjud imkoniyatlardan samarali foydalanish bo‘yicha tegishli tavsiyalar berildi.