Xalq deputatlari Oqoltin tumani Kengashi deputati I.Quchqarova va kotibiyat bosh mutaxassisi D.Shakarboyevlar tomonidan Ko‘rkam diyor MFYda PQ-93-sonli qaror asosida ta’mirlanayotgan ko‘p qavatli uylarning holati yuzasidan navbatdagi o‘rganish ishlari olib borildi.

Ma’lumki, avvalgi o‘rganishlar davomida ayrim qurilish-ta’mirlash ishlari oxiriga yetkazilmaganligi aniqlanib, bu holat mahalla aholisining haqli e’tirozlariga sabab bo‘lgan edi. Shundan so‘ng deputat tashabbusi bilan mas’ul qurilish tashkiloti vakillariga tegishli tavsiyalar va topshiriqlar berilib, mavjud kamchiliklarni bartaraf etish choralari ko‘rildi.

Olib borilgan ishlar natijasida ta’mirlash ishlari to‘liq yakunlanib, aholi tomonidan bildirilgan murojaatlar ijobiy hal etildi. Deputat tomonidan mazkur masala doimiy nazoratda saqlanib, fuqarolar manfaatlarini ta’minlash borasidagi ishlar izchil davom ettirilmoqda.