Kengash kotibiyati bosh mutaxassisi A.Esanov tomonidan tuman Davlat xizmatlari bo‘limida savolnoma asosida amaldagi qonun hujjatlari ijrosi va ilgari berilgan tavsiyalar bajarilishi holati yuzasidan o‘rganish o‘tkazildi.

O‘rganish davomida davlat xizmatlari ko‘rsatish jarayonida amaldagi qonunchilik hujjatlari talablariga rioya etilishi, xalq deputatlari tuman Kengashi tomonidan ilgari bildirilgan tavsiyalar ijrosi hamda ularning amaliy natijalari atroflicha tahlil qilindi.

Shuningdek, faoliyat samaradorligini yanada oshirish, fuqarolarga ko‘rsatilayotgan davlat xizmatlari sifatini yaxshilash, aniqlangan ayrim kamchiliklarni bartaraf etish hamda qonun hujjatlari ijrosini to‘liq ta’minlash yuzasidan mas’ullarga tegishli tavsiya va takliflar berildi.

🕊Telegram 💬Facebook 🌐E-kengash 📸Instagram