Xalq deputatlari Angor tumani Kengashi 11-Navro'z saylov okrugi deputati To'rayev Norquvvot Tadjimurodovich tomonidan 1-sonli maktabda kutubxona faoliyati o'rganildi.Mazkur o'rganishda xalq deputatlari Angor tumani Kengashi bosh mutaxassisi Xurramov Laziz ham faol ishtirok etdi.

O‘rganish jarayonida kutubxonaning bugungi faoliyati, kitobxonlar uchun yaratilgan sharoitlar, kitob fondining boyitilishi, elektron xizmatlar sifati hamda aholi, ayniqsa yoshlar o‘rtasida mutolaa madaniyatini yuksaltirish borasida amalga oshirilayotgan ishlar atroflicha ko‘rib chiqildi.

Shuningdek, kutubxonaning moddiy-texnik bazasi, kitob fondini muntazam yangilab borish, kitobxonlar sonini oshirish va bolajonlarga kitob yetkazib berish xizmatlari sifatini yanada yaxshilash masalalari muhokama qilindi. O‘rganish davomida aniqlangan ayrim kamchiliklarni bartaraf etish yuzasidan mas’ullarga tegishli tavsiyalar va takliflar berildi.

Mahalliy Kengash tomonidan ijtimoiy soha muassasalari faoliyatini deputatlik nazorati asosida o‘rganish, mavjud muammolarni joyida hal etish hamda aholiga ko‘rsatilayotgan xizmatlar sifatini oshirishga qaratilgan ishlar izchil davom ettirilmoqda