O‘rganish davomida maktabgacha ta’lim tashkilotida bolalarga ta’lim-tarbiya berish jarayoni, yaratilgan shart-sharoitlar, tarbiyalanuvchilarning sifatli ta’lim va tarbiya olishi uchun mavjud imkoniyatlar hamda qonun hujjatlarida belgilangan talablarning bajarilishi holati ko‘rib chiqildi.
Tashrif davomida deputatlar guruhlardagi bolalar uchun yaratilgan sharoitlar, ta’lim-tarbiya jarayoni hamda pedagoglar faoliyati va mashg‘ulotlar jarayonini kuzatib, tarbiyalanuvchilarning bo‘sh vaqtini mazmunli tashkil etish, ularning bilim va ko‘nikmalarini rivojlantirish borasida amalga oshirilayotgan ishlar haqida ma’lumot oldilar.
Shuningdek, tashkilotning moddiy-texnik holati, guruh xonalari, oshxona, sanitariya-gigiyena sharoitlari, bolalar xavfsizligi hamda tarbiyalanuvchilar uchun yaratilgan qulayliklar o‘rganildi. Muassasada mavjud imkoniyatlardan samarali foydalanish va sharoitlarni yanada yaxshilash masalalariga alohida e’tibor qaratildi.
Muloqot davomida pedagog va xodimlarning takliflari ham tinglanib, mavjud muammolarni bartaraf etish yuzasidan fikr almashildi. Deputatlar bolalarning sifatli maktabgacha ta’lim-tarbiya olishi, ularning sog‘lom va barkamol voyaga yetishi uchun yaratilayotgan sharoitlarni yanada takomillashtirish muhimligini ta’kidladilar.
O‘rganish yakunida aniqlangan masalalarni tegishli tartibda hal etish, muassasaning moddiy-texnik bazasini mustahkamlash va ta’lim-tarbiya sifatini oshirish bo‘yicha mas’ullarga tegishli tavsiya va takliflar bildirildi.ta’lim-tarbiya jarayonini yanada takomillashtirish, tarbiyalanuvchilar uchun qulay va xavfsiz muhit yaratish hamda maktabgacha ta’lim sifatini oshirish masalalariga alohida e’tibor qaratildi.
Sifatli maktabgacha ta’lim — barkamol avlod tarbiyasining mustahkam poydevoridir.