Olmaliq shahridagi "Oydin" dehqon bozorida navbatdagi deputatlik nazorati tadbiri oʻtkazildi.
Oziq-ovqat xavfsizligini ta'minlash, aholiga sifatli va arzon mahsulotlarni yetkazib berish hamda narxlarning sun'iy oshib ketishining oldini olish — xalq vakillarining doimiy diqqat-markazida.

Tadbirkorlik faoliyati va aholi ehtiyojlarini yaqindan oʻrganish maqsadida oʻtkazilgan ushbu nazorat tadbirida Xalq deputatlari shahar Kengashi kotibiyat mudiri Sevar Qodirova ishtirok etdi.

🛒Aholi ehtiyoji uchun eng zarur boʻlgan asosiy oziq-ovqat mahsulotlarining sifati, narx-navosi hamda omborlardagi zaxirasi atroflicha koʻzdan kechirildi.
🍗Sotuvchilar bilan bevosita muloqot oʻtkazilib, mahsulotlarning sanitariya-gigiyena talablariga mosligi, sifat darajasi va narxlarning barqarorligi tahlil qilindi.
🧅Poliz, meva-cheva va sabzavot mahsulotlarining yangiligi hamda zaxirasi ham e'tibordan chetda qolmadi.
Unda unutmaylik: Rastalarning toʻkin-sochinligi, mahsulotlar moʻlligi va eng muhimi — narxlarning fuqarolarimiz hamyoniga mosligi aynan mana shunday izchil jamoatchilik va deputatlik nazoratining amaliy natijasidir!
Olmaliqliklar roʻzgʻori farovon, dasturxonlarimiz hamisha toʻkin boʻlishi uchun nazorat va amaliy ishlar izchil davom ettiriladi.