Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2025-yil 11-noyabrdagi 718-son qarori bilan tasdiqlangan *“O‘zbekiston Respublikasi Sog‘liqni saqlash vazirligi tizimidagi tibbiyot muassasalarida pulli xizmat ko‘rsatish tartibi to‘g‘risidagi nizom”*ning tumandagi ijrosi o‘rganildi.
O‘rganish doirasida 9-son oilaviy poliklinikada pulli tibbiy xizmatlarni tashkil etish va ko‘rsatish holati ko‘zdan kechirildi.
Jumladan, pulli tibbiy xizmat turlari va tariflarning belgilangan tartibda tasdiqlanganligi, xizmatlar va ularning narxlari haqida aholiga ochiq va to‘liq axborot berilishi, shuningdek, tibbiy xizmatlar uchun to‘lovlarning qonunchilik talablari asosida amalga oshirilishi masalalariga alohida e’tibor qaratildi.
Shuningdek, bemorlarning huquq va qonuniy manfaatlarini ta’minlash, xizmat ko‘rsatish jarayonida shaffoflik va qonuniylikka rioya etilishi yuzasidan mas’ullar bilan fikr almashildi.