“KIMYOGAR” MAHALLASIDA O‘RGANISH ISHLARI OLIB BORILMOQDA

Xalq deputatlari Navoiy shahar Kengashi deputati Dilmurod Ergashev hamda Kotibiyat bosh mutaxassisi Muborak Astanova “Kimyogar” mahallasida bo‘lib, mahalla yettiligi faoliyati hamda hududda olib borilayotgan xatlov jarayonlarining borishi bilan tanishmoqda.

🤝 O‘rganish jarayonida mahalla yettiligi tomonidan amalga oshirilayotgan ishlar, belgilangan vazifalar ijrosi, fuqarolar bilan manzilli ishlash holati hamda hududdagi mavjud muammolarga alohida e’tibor qaratildi.

🔎 Shuningdek, xatlov ishlarining tashkil etilishi, jarayonlarning samaradorligi, ma’lumotlarning to‘liqligi va aniqligi o‘rganilib, aniqlangan masalalarni o‘z vaqtida bartaraf etish yuzasidan mas’ullar bilan fikr almashildi.

O‘rganish davomida mahalla hududidagi muammolarni aniqlash, fuqarolarning murojaatlari va ehtiyojlarini manzilli o‘rganish, shuningdek, belgilangan vazifalar ijrosini ta’minlash bo‘yicha mas’ullarga tegishli tavsiya va topshiriqlar berildi.

⚖️ O‘zbekiston Respublikasining “Xalq deputatlari viloyat, tuman va shahar Kengashi deputatining maqomi to‘g‘risida”gi 706-II-son Qonuni deputatlarning huquq va majburiyatlarini, shuningdek, deputatlik faoliyatining asosiy kafolatlarini belgilaydi. Mazkur qonun deputatlik faoliyatini amalga oshirishda fuqarolarning manfaatlarini ifodalash va hududdagi dolzarb masalalarni o‘rganishning huquqiy asoslaridan biridir.

🌿 Mahallalarda olib borilayotgan ishlarni joyiga chiqib o‘rganish — mavjud muammolarni aniqlash, ularning yechimini belgilash va fuqarolar manfaatlarini ta’minlashga xizmat qiladi.