Xalıq deputatları Bozataw rayonlıq Keńesiniń 3-sanlı "Mádeniyat" saylaw okruginen (ÓzXDP) saylanǵan deputat G.Yusupova "Qusqanataw" APJ aymaǵında jaylasqan 4-sanlı mektepke shekemgi bilimlendiriw shólkeminde bolıp, tárbiyalanıwshılar ushın jaratılǵan sharayatlar menen tanıstı.
Úyreniw dawamında mektepke shekemgi bilimlendiriw shólkeminiń materiallıq-texnikalıq bazası, toparlarda alıp barılıp atırǵan tárbiya-bilim beriw jumısları, balalar ushın jaratılǵan qáwipsiz hám qolaylı sharayatlar, sonday-aq sanitariya-gigiyena talaplarınıń orınlanıwı kózden ótkerildi.
Deputat tárepinen mektepke shekemgi bilimlendiriwdiń sapasın jáne de arttırıw, balalarǵa qolaylı ortalıq jaratıw boyınsha ámeliy usınıslar bildirildi hám bul baǵdardaǵı jumıslardı turaqlı qadaǵalawda alıp barıwı belgilep ótildi.