#Huquqiy_axborot_soati

O‘zbekiston Respublikasining “Homiylik to‘g‘risida”gi Qonuni homiylik sohasidagi munosabatlarni huquqiy jihatdan tartibga solish, xayriya faoliyatining ochiqligi va shaffofligini ta’minlashga xizmat qiladi.

Qonunga muvofiq, homiylik – jismoniy va yuridik shaxslarning boshqa shaxslarga mol-mulk, pul mablag‘lari, ishlar yoki xizmatlar ko‘rinishida ixtiyoriy va beg‘araz yordam ko‘rsatishidir.

✅Qonunning asosiy vazifalari.

homiylik faoliyatining huquqiy asoslarini belgilash;

ta’lim, sog‘liqni saqlash, madaniyat, sport va ijtimoiy himoya sohalarini qo‘llab-quvvatlash;

xayriya mablag‘laridan maqsadli va shaffof foydalanishni ta’minlash;

jamoatchilik nazorati va hisobdorlikni kuchaytirish.

Homiylik xayriyalarini qabul qiluvchilar mablag‘lardan foydalanish yuzasidan belgilangan tartibda hisob yuritishi hamda jamoatchilikka axborot taqdim etishi lozim. Bu esa xayriya faoliyatiga bo‘lgan ishonchni yanada mustahkamlaydi.

Qonun talablariga amal qilish jamiyatda insonparvarlik, saxovat va ijtimoiy mas’uliyat tamoyillarini keng qaror toptirishini ta’minlaydi