YOSHLAR YETAKCHISI FAOLIYATI VA YOSH TADBIRKORLARNI QO‘LLAB-QUVVATLASH ISHLARI
O‘RGANILDI

Xalq deputatlari Quva tuman Kengashi deputati M.Xakimova hamda kotibiyat
bosh mutaxassisi M.To‘xtasinov tomonidan Guliston mahalla fuqarolar
yig‘inida yoshlar yetakchisining faoliyati va mahallada yoshlar bilan olib
borilayotgan ishlar o‘rganildi.

O‘rganish davomida yoshlar bilan manzilli ishlash, ularning bandligini ta’minlash,
kasb-hunar va tadbirkorlikka jalb etish, “Yoshlar daftari” bilan
ishlash, “Dolzarb 90 kun” dasturi ijrosi, yoshlarning bo‘sh vaqtini
mazmunli tashkil etish, sport va ma’naviy-ma’rifiy tadbirlarga qamrovi,
shuningdek, murojaatlar bilan ishlash holati tahlil qilindi.

Shuningdek, mahalla yoshlar yetakchisi hamrohligida tadbirkorlik faoliyatini
boshlagan yoshlar faoliyati manzilli o‘rganilib, ular uchun yaratilgan
imkoniyatlar, faoliyatda uchrayotgan muammolar va ehtiyojlar yuzasidan suhbat
o‘tkazildi.

O‘rganish yakunida yoshlar bandligini oshirish, tadbirkorlik tashabbuslarini
qo‘llab-quvvatlash va yoshlar bilan ishlash samaradorligini kuchaytirish
bo‘yicha mas’ullarga tegishli topshiriq va tavsiyalar berildi.

Aniqlangan kamchiliklar “Deputatning ko‘cha aylanish daftari”ga qayd etilib,
ularni bartaraf etish deputatlik nazoratiga olindi.