Xalq deputatlari G‘ozg‘on shahar Kengashi kotibiyat bosh mutaxassisi D.Murodov tomonidan shahar hududida mavjud avtobus bekatlarining holati o‘rganildi.

Mazkur o‘rganish O‘zbekiston Respublikasining “Aholining sanitariya-epidemiologik osoyishtaligi to‘g‘risida”gi Qonuni (O‘RQ–393-son, 2015-yil 26-avgust) talablari asosida olib borildi.

O‘rganish davomida avtobus bekatlarining sanitariya holati, tozaligi, aholiga yaratilgan qulayliklar hamda yo‘lovchilar uchun zarur shart-sharoitlar mavjudligi ko‘zdan kechirildi.

 Jumladan:

️avtobus bekatlarining sanitariya va obodonlashtirish holati; 

bekatlarning texnik holati va saqlanish darajasi; 

yo‘lovchilar uchun yaratilgan qulayliklar; 

hududlarning tozaligi va chiqindilarni o‘z vaqtida olib chiqib ketish holati; 

mavjud kamchiliklar va ularni bartaraf etish masalalari o‘rganildi.

O‘rganish davomida aniqlangan kamchiliklar yuzasidan tegishli mas’ullarga ma’lumot berilib, avtobus bekatlarining sanitariya
holatini yaxshilash hamda aholiga qulay va xavfsiz sharoitlar yaratish bo‘yicha tavsiyalar berildi.

Mazkur o‘rganish jamoat joylarida sanitariya-epidemiologik osoyishtalikni ta’minlash, aholiga qulay xizmat ko‘rsatish va shahar infratuzilmasini
yanada yaxshilashga xizmat qiladi.