O‘zbekiston Respublikasi qonunlari hamda Vazirlar Mahkamasining 61-sonli qarori ijrosini ta’minlash maqsadida hamda Zomin tumani hokimining 2026-yil 2-iyundagi topshirig‘i  asosida tumandagi barcha korxona, tashkilot, muassasa va idoralarda o‘rganish ishlari olib borilmoqda.

Bosqichma-bosqich ravishda amalga oshirilayotgan o‘rganish tadbirlarining navbatdagisi tuman Davlat soliq inspeksiyasida tashkil etildi. Tuman hokimligi qoshida tuzilgan ishchi guruh va Kengash kotibiyat mudiri bilan birga olib borilgan o‘rganish ishlari davomida davlat tilida ish yuritish tartibi va tashqi yozuvlar holati nazorat qilindi. Shuningdek, xodimlarning savodxonligini oshirish maqsadida inspeksiya bo‘lim boshliqlari, sho’ba mudirlari ishtirokida  “Ommaviy diktant” aksiyasi tashkil etildi.

Ishchi guruh tomonidan aniqlangan kamchiliklar yuzasidan inspeksiya rahbariyati va mas’ullariga tegishli tavsiyalar berildi.