O‘rganish ishlari deputatlik faoliyatining asosiy 24 ta savolnomasi doirasida amalga oshirilib, hududdagi obodonlashtirish holati, tungi yoritish tizimlari, ariqlar tozaligi, piyodalar va transport harakatiga xalaqit berayotgan noqonuniy qurilmalar, sanitariya va yong‘in xavfsizligi talablariga rioya etilishi masalalari ko‘rib chiqildi.

Mazkur jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Mahalliy davlat hokimiyati to‘g‘risida”gi Qonun, “Yong‘in xavfsizligi to‘g‘risida”gi Qonun, “Aholining sanitariya-epidemiologik osoyishtaligi to‘g‘risida”gi Qonun hamda aholi punktlarini obodonlashtirishga oid normativ-huquqiy hujjatlarda belgilangan vazifalar ijrosini ta’minlash maqsadida tashkil etildi.

O‘rganish davomida aniqlangan kamchiliklarni qisqa muddatlarda bartaraf etish, hududda tartib-intizomni mustahkamlash, obodonlashtirish ishlarini sifatli tashkil etish, shuningdek, yong‘in xavfsizligi va sanitariya qoidalariga qat’iy rioya etilishini ta’minlash bo‘yicha mas’ullarga aniq vazifalar belgilandi.

✅ Yunusobod tumanida mahallalarda obodlikni ta’minlash, aholiga qulay yashash sharoitlarini yaratish va mavjud muammolarni joyida o‘rganish bo‘yicha ishlar tizimli davom ettirilmoqda.

Bizni kuzatishda davom eting!