🏛 Xalq deputatlari Shovot tumani Kengashi deputati D.Shadanova hamda Kengash kotibiyati xodimi U.Ruzmetov tomonidan navbatdagi sessiya oldidan Eshonqala mahallasida hokim yordamchisi B.Rahimov faoliyati yuzasidan deputatlik o‘rganishi o‘tkazildi.
📍 O‘rganish davomida mahallada O‘zbekiston Respublikasi Prezidentining 2026-yil 5-fevraldagi PQ–49-sonli “2026-yilda hududlarni yangicha yondashuvlar asosida rivojlantirish orqali aholi daromadini oshirish, barqaror ish o‘rinlarini yaratish hamda kambag‘allikni qisqartirish chora-tadbirlari to‘g‘risida”gi qarori ijrosi yuzasidan amalga oshirilayotgan ishlar atroflicha ko‘rib chiqildi.
🏭 Xususan, “Xushnud Kuramboyev” xususiy korxonasi faoliyati bilan tanishilib, davlat tomonidan ajratilgan 30 million so‘m imtiyozli kredit hisobidan korxona faoliyati kengaytirilgani hamda 2 ta yangi doimiy ish o‘rni yaratilgani o‘rganildi.
🤝 Ochiq muloqot davomida tadbirkorlikni rivojlantirish, yangi ish o‘rinlarini yaratish, aholi bandligini ta’minlash va imtiyozli kreditlardan samarali foydalanish masalalari yuzasidan fikr almashildi.
✅ Deputatlik o‘rganishi yakunida PQ–49-son qarori ijrosini ta’minlash, tadbirkorlik subyektlarini qo‘llab-quvvatlash, aholi daromadlarini oshirish hamda kambag‘allikni qisqartirish bo‘yicha belgilangan vazifalar ijrosi ustidan deputatlik nazorati izchil davom ettirilishi ta’kidlandi. 🇺🇿🌱