“E-QAROR” ELEKTRON TIZIMI IJROSI O‘RGANILADI

🔎 Xalq deputatlari Pastdarg‘om tumani Kengashining Reglament va deputatlik odob-axloqi masalalari bo‘yicha doimiy komissiyasining 2026-yil 19-oktabrdagi DKQ 03-05/169-26-son qarori bilan O‘zbekiston Respublikasi Vazirlar Mahkamasining 2021-yil 22-iyundagi 390-son qarori ijrosini o‘rganish belgilandi.

📑 Mazkur qaror mahalliy davlat hokimiyati organlari faoliyatiga “E-qaror” elektron tizimini joriy etish hamda qaror va farmoyishlarni elektron shaklda ishlab chiqish, kelishish, qabul qilish, ro‘yxatga olish va e’lon qilish tartibini belgilaydi.
👥 Doimiy komissiya qarori bilan mazkur yo‘nalishdagi ishlarni o‘rganish uchun ishchi guruh tashkil etilib, uning tarkibi tasdiqlandi.
📋 O‘rganish davomida quyidagi masalalarga e’tibor qaratiladi:
🔹 Tuman hokimligi va tuman Kengashi faoliyatida “E-qaror” elektron tizimidan foydalanish holati;
🔹 Qaror loyihalarini ishlab chiqish, manfaatdor tashkilotlar bilan kelishish va hujjatlarni belgilangan tartibda rasmiylashtirish jarayonlari;
🔹 Elektron raqamli imzodan foydalanish hamda hujjatlarni ko‘rib chiqish muddatlariga rioya etilishi;
🔹 Qabul qilingan qarorlarni ro‘yxatga olish, e’lon qilish va ochiqlikni ta’minlash amaliyoti;
🔹 Tizimdan foydalanishda uchrayotgan tashkiliy, texnik va huquqiy muammolar.
✅ O‘rganish ishlari tasdiqlangan savolnoma asosida olib boriladi. Yakunida aniqlangan holatlar, mavjud kamchiliklar va ularni bartaraf etish bo‘yicha takliflar aks ettirilgan ma’lumotnoma tayyorlanadi.
📌 O‘rganish natijalari tegishli doimiy komissiya yig‘ilishida muhokama qilinib, zaruratga ko‘ra Xalq deputatlari Pastdarg‘om tumani Kengashining navbatdagi sessiyasi kun tartibiga kiritish uchun tavsiya etiladi.