Gulbuloq mahallasida fuqarolar qabuli o‘tkazildi.
Gulbuloq mahalla fuqarolar yig‘inida “Milliy tiklanish” demokratik partiyasidan saylangan Xalq deputatlari tuman Kengashiga 22-Gulbuloq saylov okrugi deputati O’.Hamrayev tomonidan fuqarolar qabuli tashkil etildi.
Qabul davomida saylovchilarning murojaatlari tinglanib, ularda ko‘tarilgan ijtimoiy, kommunal, bandlik va boshqa dolzarb masalalar atroflicha ko‘rib chiqildi. Har bir murojaat yuzasidan tegishli mas’ul tashkilotlar bilan hamkorlikda amaliy choralar belgilab olindi hamda ijrosini nazoratga olish bo‘yicha vazifalar belgilandi.
Bu kabi qabullar aholi bilan muloqotni yanada mustahkamlash, saylovchilarning ishonchini oshirish hamda hududlardagi muammolarni o‘z vaqtida bartaraf etishga xizmat qiladi.