Xalq deputatlari Yangiobod tuman Kengashi kotibiyati mudiri, deputat V.Xasanov tomonidan Qo'riq qishlog‘ida yashovchi fuqaro Shodiyeva Sevaraning oilaviy va ijtimoiy sharoiti mahalla vakillari bilan hamkorlikda manzilli o‘rganildi.

O‘rganish davomida oilaning yashash sharoiti, mavjud ijtimoiy va maishiy holati, oila a’zolarining bandligi, daromad manbalari hamda qo‘shimcha ko‘makka bo‘lgan ehtiyojlari bilan yaqindan tanishildi.

Suhbat davomida oila a’zolarining muammolari tinglanib, oilaning mavjud imkoniyatlaridan kelib chiqib, daromad manbaini ko‘paytirish, bandlikni ta’minlash va ijtimoiy qo‘llab-quvvatlash choralaridan samarali foydalanish masalalari muhokama qilindi.

Shuningdek, aniqlangan masalalarni mahalla mutasaddilari va tegishli tashkilotlar bilan hamkorlikda hal etish, fuqaroni mavjud imkoniyatlar bilan bog‘lash hamda oilaning ijtimoiy-iqtisodiy holatini yaxshilash bo‘yicha tegishli tavsiyalar berildi.

Asosiy e’tibor — oiladagi mavjud muammolarni joyida aniqlash, ehtiyojlarni to‘g‘ri baholash va amaliy ko‘mak orqali oilaning farovonligini oshirishga qaratildi.