O‘zbekiston Respublikasi Prezidenti tomonidan belgilangan “Dolzarb 40 kun” tadbiri doirasida hududlarni obodonlashtirish, sanitariya holatini yaxshilash, atrof-muhit musaffoligini ta’minlash hamda aholi uchun munosib yashash sharoitlarini yaratish borasida keng ko‘lamli ishlar amalga oshirilmoqda. Mazkur vazifalar ijrosi yuzasidan O‘zbekiston “Adolat” sotsial-demokratik partiyasidan saylangan deputat M.Ashurov va kotibiyat xodimi N.Kurganova tumanning “Bog‘chaovul” mahallasida olib borilayotgan ishlar yuzasidan o‘rganish o‘tkazdilar.

🔻O‘rganish davomida mahalla hududining sanitariya holati, ichki ko‘chalar va umumiy foydalanishdagi hududlarning tozaligi, yo‘l yoqalaridagi begona o‘tlarni bartaraf etish, to‘planib qolgan chiqindilarni o‘z vaqtida olib chiqib ketish hamda hududni obodonlashtirish bo‘yicha amalga oshirilayotgan ishlarga alohida e’tibor qaratildi.

🔻Xususan, mahalla hududida aholi va jamoatchilik ishtirokida tozalash ishlarini tashkil etish, ko‘chalar va yo‘l yoqalarini begona o‘tlardan tozalash, sanitariya talablariga javob bermaydigan hududlarni tartibga keltirish bo‘yicha ishlar olib borilayotgani qayd etildi.

🔻Deputat tomonidan mahalla hududida obodonlashtirish ishlarini faqat tadbir davrida emas, balki doimiy ravishda tashkil etish, har bir ko‘cha va hududning sanitariya holatini nazorat qilib borish, aniqlangan kamchiliklarni tezkor bartaraf etish bo‘yicha mas’ullarga tegishli taklif va tavsiyalar berildi.