✔️Toyloq tumanidagi Xo‘jaqishloq mahallasida elektr ta’minotini yaxshilash borasidagi amaliy ishlar aholi manfaatiga xizmat qilmoqda.

✔️Tuman hokimi, Xalq deputatlari Toyloq tumani Kengashi deputati Behzod Rahmatullayev tashabbusi bilan deputatlarga hududlardagi dolzarb muammolarni hal etish uchun qo‘shimcha imkoniyatlar yaratildi. Ana shu tashabbus doirasida Xo‘jaqishloq mahallasi aholisidan kelib tushgan elektr ta’minoti bilan bog‘liq murojaatlar O‘zLiDeP deputatlik guruhi rahbari, tuman Kengashi deputati Nasiba Mo‘minova tomonidan o‘rganilib, masala sessiya kun tartibiga kiritildi.

✔️Natijada mahallaga quvvati 100 kVt bo‘lgan yangi transformator olib kelindi. Mazkur transformator O‘zbekiston Respublikasi Oliy Majlisi Senati Kengashining tegishli qarori ijrosini ta’minlash maqsadida tuman Kengashi sessiyasi qarori bilan orttirilgan mablag‘lar hisobidan xarid qilinib, mahallaga yetkazib berildi.

✔️Bu ezgu ish mahalla faollarini ham ruhlantirdi. Ularning tashabbusi bilan qo‘shimcha ravishda 160 kVA quvvatga ega yana bir transformator olib kelinib, elektr tarmoqlarini yanada mustahkamlash ishlari boshlandi. Jarayonlarda mahalla raisi Feruz Rahmonqulov ham faol ishtirok etmoqda.

✔️Eng muhimi, amalga oshirilgan ishlar natijasida yuzlab xonadonlarning elektr ta’minoti yaxshilanib, aholi uchun yanada qulay sharoit yaratildi. Xo‘jaqishloqdagi bu amaliy natija deputatlar, mahalla faollari va ijro hokimiyati hamkorligining samarali namunasi bo‘lib xizmat qilmoqda.

🌐https://t.me/Toyloq_tuman_Kengashi